Ժամանակակից ճառագայթային բուժում

Ամերիկյան Varian ընկերության Edge սարքն է, որի շնորհիվ իրականացվում է ժամանակակից ռադիովիրաբուժություն: Ռադիովիրաբուժությունը բժշկական միջամտության տեսակ է, որը թույլ է տալիս իրականացնել բարորակ և չարորակ նորագոյացությունների, ինչպես նաև այլ ախտահարումների ճառագայթային վիրաբուժություն` արմատապես վերացնելով ուռուցքածին բջիջները: Կենտրոնում տեղակայված VARIAN EDGE ռադիովիրաբուժության սարքը, որին ինտեգրված է «Identify» համակարգ` եզակի է ամբողջ տարածաշրջանում:

Ամերիկյան Varian  ընկերության Halcyon սարքի շնորհիվ` ճառագայթային թերապիան դառնում է առավել արդյունավետ`  ապահովելով պացիենտի հարմարավետությունը և անվտանգությունը:
Այս սարքավորումը հնարավորություն է ընձեռնում իրականացնել ճառագայթային թերապիա կիրառելով ժամանակակից տեխնոլոգիաներ, ինչպես նաև ճառագայթումն իրականացնել շնչառության հսկողությամբ: Սարքը հնարավորություն է տալիս բուժել քաղցկեղը` չվնասելով հարակից առողջ հյուսվածքները:

«Էրեբունի» ռադիոթերապիայի կենտրոնում առկա Siemens healthineers ընկերության վերջին սերնդի Biograph mCT 64 PET scan պոզիտրոն էմիսիոն համակարգչային տոմոգրաֆը իր տեսակով եզակի է Հայաստանում:
Ժամանակակից լուծումներով սարքը մեծ հեղափոխություն է կատարել ռադիոիզոտոպային ախտորոշման ոլորտում: Սարքի շնորհիվ  հնարավոր է ստանալ հստակ և ճշգրիտ պատկերներ, ինչի արդյունքում ախտորոշումը  դառնում է  առավել արդյունավետ:

Siemens SOMATOM go.Open Pro-ն ժամանակակից և բարձր ճշգրտությամբ համակարգչային տոմոգրաֆ է (CT), որը նախատեսված է առավել պարզ պատկերներ ստանալու և 4D հարթության մեջ, իրական ժամանակում ճառագայթային բուժման գրագետ պլանավորման համար:
Սարքը հնարավորություն է ստեղծում շնչառական ակտի ժամանակ հետևել կրծքավանդակի և որովայնի շարժումներին, ինչն էլ իր հերթին մի քանի անգամ բարձրացնում է բուժման ճշգրտությունը` նվազագույնի հասցնելով հետճառագայթային բորդությունների ռիսկերը, ինչպես նաև նվազեցնում է ճառագայթային ծանրաբեռնավածությունը` ճառագայթվող թիրախի հարակից առողջ հյուսվածքների վրա:

Ամերիկյան Varian ընկերության Bravos սարքը բրախիթերապիայի համար նախատեսված նորարարական տեխնոլոգիա է: Բրախիթերապիան ճառագայթային թերապիայի տեսակ է, որի ժամանակ ճառագայթման աղբյուրը տեղադրվում է ճառագայթվող թիրախի ներսում կամ անմիջապես հպվում է նրան: Այսպիսով բրախիթերապիան հնարավորություն է ստեղծվում ճառագայթման բարձր դոզաներ հասցնել անմիջապես թիրախին` հնարավորինս չվնասելով շրջակա առողջ հյուսվածքները: