
Ռադիովիրաբուժություն
Բուժում ռադիովիրաբուժության (SRS) արձանագրությունների միջոցով: Այս բուժումը կարող է նաև կոչվել ստերեոտակտիկ ճառագայթային թերապիա (SBRT, SABR): Տեխնիկան ներառում է շատ մեծ թերապևտիկ չափաբաժինների կիրառում փոքր թվով բուժման սեանսերի ընթացքում (սովորաբար 1-ից 8 սեանս): Ռադիովիրաբուժությունը օգտագործվում է փոքր ուռուցքային ախտահարումները ճառագայթելու համար:
Ռադիովիրաբուժություն (1-2 օջախ)
Ռադիովիրաբուժություն (3-5 օջախ)
Ռադիովիրաբուժություն (6 օջախ և ավելի)
Ռադիովիրաբուժությունը հեռահար ճառագայթային թերապիայի տեսակ է, որն ունի բարձր ճշգրտություն և օգտագործվում է ուռուցքները բարձր չափաբաժիններով իոնացնող ճառագայթների միջողով բուժելու համար, այս բուժումը կարող է այլընտրանք լինել վիրաբուժական բուժմանը:
Ինչպե՞ս է ռադիովիրաբուժությունը վերացնում ուռուցքները
Ճառագայթման բարձր չափաբաժինները վնասում և ոչնչացնում են ուռուցքային բջիջները՝ կանգնեցնելով դրանց աճն ու բաժանումը:
Տեսակները
Ռադիովիրաբուժությունը կարող է իրականացվել ճառագայթային թերապիայի տարբեր սարքավորումների միջոցով, ներառյալ բարձր ճշգրտության բժշկական արագացուցիչները, «կիբեր-դանակ» և «գամմա-դանակ» տիպի սարքերը:
Ե՞րբ է կիրառվում և ո՞ր տեսակի ուռուցքների դեպքում
Ռադիովիրաբուժությունը արդյունավետ է ուղեղի, ողնաշարի, լյարդի և այլ օրգանների ուռուցքների բուժման համար, ներառյալ այն դեպքերը, երբ ուռուցքները տեղակայված են դասական վիրաբուժության համար դժվար հասանելի հատվածներում:
Մեր սարքավորումը
«Էրեբունի» ռադիոթերապիայի կենտրոնում ռադիովիրաբուժության համար օգտագործվում է Varian EDGE սարքավորումը։ Varian EDGE-ը ռադիովիրաբուժության առաջատար, բարձր ճշգրտություն ունեցող սարք է, որը թույլ է տալիս առանց վիրահատության անվտանգ ոչնչացնել ուռուցքները:
Անցկացման կարգը, փուլերը
Նախքան բուժումը սկսելը անհրաժեշտ է անցնել ճառագայթային թերապևտի նախնական խորհրդատվություն: Եթե խորհրդատվության ընթացքում որոշվել է իրականացնել ռադիովիրաբուժություն, հաջորդ փուլում իրականացվում է ՀՏ-տոպոմետրիա, որն անհրաժեշտ է ճառագայթման ծավալը որոշելու և պացիենտի համար ճառագայթային թերապիայի անհատական պլան ստեղծելու համար:
Ուռուցքի վրա ճշգրիտ ազդեցություն գործելու համար այնուհետև կատարվում է ճառագայթման սեանս, որն իրականացվում է կենտրոնի մասնագետների, այդ թվում՝ բժիշկ-ռադիոթերապևտի մասնակցությամբ:
Մեթոդի առավելությունները
- Բարձր ճշգրտություն և նվազագույն ազդեցություն առողջ հյուսվածքի վրա:
- Կտրվածքների և անզգայացման կարիք չկա:
Սահմանափակումներ
Մեթոդը հարմար չէ խոշոր ուռուցքների համար և պահանջում է մանրակրկիտ պլանավորում առողջ հյուսվածքների վրա ազդեցությունը բացառելու համար:
Ինչու՞ արժե ռադիովիրաբուժությունն անցնել մեր կենտրոնում
Varian EDGE սարքավորման օգտագործումը «Էրեբունի» ռադիոթերապիայի կենտրոնում ապահովում է ռադիովիրաբուժության անցկացման ճշգրտության և անվտանգության ամենաբարձր մակարդակը, իսկ պրոֆեսիոնալ մասնագետների թիմը երաշխավորում է անհատական մոտեցում յուրաքանչյուր պացիենտի նկատմամբ: