Նախաճառագայթային պատրաստում
Եթե պացիենտին ցուցված է ճառագայթային թերապիա, ապա պետք է մշակվի անհատական բուժման ծրագիր: Այդ նպատակով կատարվում է CT տոպոմետրիա (CT սիմուլյացիա, մակնշում), ընտրվում են անհատական ֆիքսացիոն սարքեր, ընտրվում է պացիենտի օպտիմալ դիրքը բուժման սեղանի վրա։ Ծառայությունը ներառում է ռադիոթերապևտների աշխատանք՝ ուրվագծելու ճառագայթման ծավալը, բժիշկ ֆիզիկոսների աշխատանք՝ պացիենտի բուժման պլանը կազմելու և հաշվարկելու, ինչպես նաև ճառագայթային թերապիայի պլանի որակի ապահովման արդյունքները ստուգելու համար: Այս ամենից հետո, ըստ ուսումնասիրության` ստեղծվում է պացիենտի բուժման անհատական ծրագիր, որը համապատասխանում է ճշգրտության և անվտանգության ամենաբարձր չափանիշներին:
Նախաճառագայթային պատրաստում (պլանավորում + ՀՏ տոպոմետրիայով (ներառյալ կոնտրաստ նյութը ըստ ցուցման))
Ներածություն
Ճառագայթային թերապիան (ռադիոթերապիա) չարորակ նորագոյացությունների բուժման կարևոր մեթոդ է, որի նպատակն է ոչնչացնել ուռուցքային բջիջները՝ չազդելով հարակից առողջ հյուսվածքի վրա: Բուժման առավելագույն արդյունավետության և անվտանգության հասնելու համար անհրաժեշտ է մանրակրկիտ նախապատրաստում, ներառյալ անհատական բուժման պլանի մշակում և ժամանակակից տեխնոլոգիաների օգտագործում:
Թերապիայի համար անհրաժեշտ փաստաթղթեր
Նախքան ճառագայթային թերապիայի կուրսը սկսելը պացիենտը պետք է հավաքի հետևյալ փաստաթղթերը.
- Հիվանդության ախտորոշման և հիվանդության աստիճանի վերաբերյալ բժշկական եզրակացություն,
- Հիվանդության պատմության քաղվածքներ, եթե այդպիսիք եղել են,
- Նախորդ ախտորոշիչ հետազոտությունների արդյունքները (ՀՏ, ՄՌՏ, ՊԷՏ և այլն),
- Լաբորատոր հետազոտություններ, ինչպիսիք են արյան ընդհանուր վերլուծությունը և կենսաքիմիական ցուցանիշները,
- Ուռուցքաբանի եզրակացությունը, որը հաստատում է ճառագայթային թերապիայի անցկացման անհրաժեշտությունը,
- Ուղեկցող հիվանդությունների առկայության դեպքում այլ մասնագետների բժշկական տեղեկանքները:
Այս փաստաթղթերը թույլ են տալիս բժիշկներին գնահատել պացիենտի վիճակը և որոշել բուժման համապատասխան մեթոդը:
