Ճառագայթային թերապիա

ի՞նչ է ֆրակցիոն ճառագայթային թերապիան

Ֆրակցիոն ճառագայթային թերապիան հեռահար ճառագայթային թերապիայի տեսակ է, որի ընթացքում բուժման կուրսը բաժանվում է սեանսների, որոնց ընթացքում տրվում է իոնացնող ճառագայթման փոքր չափաբաժին: Նման մոտեցումը նվազեցնում է առողջ հյուսվածքների վրա ընկնող բեռը ճառագայթման մեծ ծավալների դեպքում և մեծացնում ախտահարված հատվածի վրա ազդեցության արդյունավետությունը, քանի որ ուռուցքային բջիջներն աստիճանաբար ոչնչանում են:

Ո՞ր դեպքում են կիրառում

Մեթոդը օգտագործվում է տարբեր ուռուցքային հիվանդությունների, ինչպես նաև որոշ բարորակ գոյացությունների և ոչ ուռուցքային հիվանդությունների բուժման համար։ Ֆրակցիոն ճառագայթային թերապիան թույլ է տալիս ապահովել վերահսկելի և աստիճանական ազդեցություն ուռուցքային հյուսվածքի վրա, ինչը նվազեցնում է կողմնակի ազդեցությունների ռիսկը:

Ցուցումներ

• Տարբեր տեղայնացում ունեցող չարորակ ուռուցքներ (կրծքագեղձ, լյարդ, երիկամներ, ձվարաններ և այլ օրգաններ)
• Աճի վերահսկում պահանջող բարորակ նորագոյացություններ
• Որոշ քրոնիկ բորբոքային պրոցեսներ, որոնց դեպքում ճառագայթային թերապիան նպաստում է բորբոքման նվազեցմանը

Հակացուցումներ

• Սուր վարակներ և բորբոքային հիվանդություններ
• Արյունաստեղծ ֆունկցիայի լուրջ խանգարումներ
• Սրացման փուլում գտնվող ուղեկցող ծանր հիվանդություններ
• Ճառագայթման շատ մեծ ենթադրյալ ծավալներ

Պրոցեդուրայի նախապատրաստում

Նախքան բուժումը սկսելը անհրաժեշտ է անցնել ճառագայթային թերապևտի նախնական խորհրդատվություն: Եթե խորհրդատվության ընթացքում որոշվում է անցկացնել ճառագայթային թերապիա, հաջորդ փուլում իրականացվում է ՀՏ-տոպոմետրիա, որն անհրաժեշտ է ճառագայթման ծավալը որոշելու և պացիենտի համար ճառագայթային թերապիայի անհատական պլան ստեղծելու համար:

Ինչպե՞ս է անցնում պրոցեդուրան

Սեանսը սովորաբար տևում է մի քանի րոպեից մինչև կես ժամ: Պացիենտը հարմար տեղավորվում է բժշկական գծային արագացուցիչի սեղանի վրա, այնուհետև բուժումն իրականացվում է ըստ պացիենտի ճառագայթային թերապիայի անհատական պլանի:

Պրոցեդուրայի առավելությունները

• Նվազագույնի հասցնել ազդեցությունը առողջ հյուսվածքների վրա:
• Ուռուցքի վերահսկելի, աստիճանական ոչնչացում:
• Բուժման արդյունավետությունը բարձրացնելու համար չափաբաժինը պացիենտին հարմարեցնելու հնարավորություն:

Հնարավոր կողմնակի ազդեցությունները

• Կախված է ճառագայթման հատվածից և ճառագայթման ծավալից:
• Բուժման բոլոր հնարավոր կողմնակի ազդեցությունները պացիենտի հետ քննարկվում են ճառագայթային թերապևտի նախնական խորհրդատվության ժամանակ:

Մեր սարքավորումը

«Էրեբունի» ռադիոթերապևտիկ կենտրոնում օգտագործվում են Varian Halcyon և Varian EDGE սարքավորումները՝ ճառագայթային թերապիայի անցկացման ամենաժամանակակից և բարձր ճշգրտություն ունեցող համակարգերից մեկը: Varian Halcyon-ն ապահովում է ճառագայթման չափաբաժինների արագ և ճշգրիտ մատակարարում և պացիենտի համար գործընթացը դառնում է հարմարավետ և անվտանգ: Varian EDGE-ը նոր սերնդի սարքավորում է, որը թույլ է տալիս գերճշգրիտ ճառագայթում իրականացնել՝ նվազագույն ազդեցություն գործելով առողջ հյուսվածքների վրա, ինչը հատկապես կարևոր է բարդ դեպքերի բուժման ժամանակ:

Ֆրակցիոն ճառագայթային թերապիայի առավելությունները «Էրեբունի» ռադիոթերապևտիկ կենտրոնում

Մեր կենտրոնում Varian Halcyon և Varian EDGE բարձր ճշգրտության սարքավորումների օգտագործումը թույլ է տալիս արդյունավետ իրականացնել բուժումը՝ ապահովելով պացիենտի հարմարավետությունն ու նվազագույն կողմնակի ազդեցությունները: