Խորհրդատվություն

Ռադիոթերապևտի (ճառագայթային թերապևտի) խորհրդատվություն

Ճառագայթային թերապևտը բժիշկ է, որը զբաղվում է օնկոլոգիական հիվանդությանների ճառագայթային բուժմամբ։ Նրա հիմնական խնդիրն է գնահատել ճառագայթային թերապիայի անցկացման անհրաժեշտությունը և արդյունավետությունը:

Ո՞ր հիվանդությունների դեպքում է պահանջվում խորհրդատվություն

Ճառագայթային թերապևտի խորհրդատվությունը անհրաժեշտ է ուռուցքային հիվանդությունների բուժման համար, ինչպիսիք են կրծքագեղձի քաղցկեղը, թոքերի քաղցկեղը, շագանակագեղձի քաղցկեղը, ուղեղի ուռուցքները, ստամոքսի քաղցկեղը և այլ տեսակի չարորակ նորագոյացությունները: Բժիշկը գնահատում է ճառագայթային թերապիայի կիրառման հնարավորությունը և ըստ ցուցման բուժման պլան է մշակում:

Ի՞նչ է անհրաժեշտ ունենալ խորհրդատվության ժամանակ

Խորհրդատվությունից առաջ խորհուրդ է տրվում պատրաստել հետևյալ բժշկական փաստաթղթերը.

• Բուժհաստատություններից քաղվածքներ և բժիշկների եզրակացություններ,
• Հետազոտությունների արդյունքներ (ՄՌՏ, ՀՏ, ՊԷՏ-ՀՏ և այլն),
• Հյուսվածքաբանական հետազոտությունների արդյունքներ,
• Քաղվածքներ բժշկական պատմությունից, եթե պացիենտը հոսպիտալացվել

Այս փաստաթղթերը կօգնեն բժշկին ավելի ճշգրիտ գնահատել պացիենտի վիճակը և կշռադատված որոշում կայացնել հետագա բուժման վերաբերյալ:

Ինչպե՞ս է անցնում խորհրդատվությունը

«Էրեբունի» ճառագայթային թերապիայի կենտրոնում ճառագայթային թերապևտի նախնական խորհրդատվությունը ներառում է պացիենտի բժշկական պատմության, ախտորոշման արդյունքների և ընթացիկ բողոքների մանրակրկիտ վերլուծություն: Բժիշկը գնահատում է ճառագայթային թերապիայի անցկացման անհրաժեշտությունը, բացատրում սկզբունքները, խոսում է թերապևտիկ հնարավոր հետևանքների և կողմնակի ազդեցությունների մասին: Մասնագետի բոլոր առաջարկությունները հիմնված են ժամանակակից միջազգային կլինիկական ուղեցույցների վրա, ինչը թույլ է տալիս պացիենտին ստանալ բուժման ամբողջական պատկերը:

Բժշկական կոնսիլիումի անցկացման հնարավորություն

Բարդ կլինիկական դեպքերում ճառագայթային թերապիայի անցկացման որոշումը կարող է քննարկվել օնկոլոգիական կոնսիլիումում (TUMOR BOARD), որի մեջ մտնում են բժշկական տարբեր ոլորտների մասնագետներ: Այն օգնում է առավել ճիշտ և արդյունավետ որոշում կայացնել պացիենտի բուժման համար:

Հետազոտությունների տեսակները

Հիվանդության ախտորոշումը կամ տարածումը ճշտելու, բուժմանը նախապատրաստվելու նպատակով մեր կենտրոնում կարող են նշանակվել հետևյալ հետազոտությունները.

• Համակարգչային տոմոգրաֆիա (ՀՏ),
• Մագնիսա-ռեզոնանսային տոմոգրաֆիա (ՄՌՏ),
• ՊԷՏ-ՀՏ,
• Օրգանների և համակարգերի ուլտրաձայնային հետազոտություն,
• Լաբորատոր և հյուսվածքաբանական հետազոտություններ:

Ախտորոշման այս մեթոդները ճառագայթային թերապևտին հնարավորություն են տալիս հիմնավորված որոշում կայացնել բուժման օպտիմալ պլան ընտրելու վերաբերյալ:

«Էրեբունի» ճառագայթային կենտրոն դիմելու առավելությունները

Դիմելով «Էրեբունի» ճառագայթային թերապիայի կենտրոն՝ Դուք կստանաք բուժման անհատական մոտեցում: Մենք օգտագործում ենք նորագույն սարքավորումներ, որոնք թույլ են տալիս բուժումն իրականացնել արդյունավետ և նվազագույն կողմնակի ազդեցություններով: Մեր բոլոր մասնագետներն աշխատում են միջազգային չափանիշներին և կլինիկական ուղեցույցներին համապատասխան, ինչը երաշխավորում է բժշկական օգնության բարձր որակը: Խորհրդատվությանը գրանցվելու համար դիմեք մեզ զանգահարելով 8550 հեռախոսահամարով կամ կենտրոնի պաշտոնական կայքի միջոցով՝ erebuniradiotherapy.com: Մենք պատրաստ ենք օգնել Ձեզ բուժման օպտիմալ պլանի ընտրության հարցում: