«Նաիրի» բժշկական կենտրոնի և «Էրեբունի» Ռադիոթերապիայի կենտրոնի մասնագետները մասնակցել են գինեկոլոգիական ուռուցքաբանության միջազգային վորքշոփին։

2025 թվականի մայիսի 17-18-ը Դիլիջանում կայացավ The Updates in Gynecologic Oncology Workshop v. 4.0 գիտակրթական միջոցառումը, որը կազմակերպել էր «Նաիրի» բժշկական կենտրոնի օնկոգինեկոլոգիայի ծառայության ղեկավար Արտեմ Ստեփանյանը։

Միջոցառման ընթացքում ելույթ ունեցան «Նաիրի» ԲԿ-ի ուռուցքաբանության և քիմիաթերապիայի բաժանմունքի ղեկավար Լևոն Բադալյանը, օնկոգինեկոլոգ Հասմիկ Դավթյանը, ռադիոլոգիական ծառայության ղեկավար Կոստան Ղալումյանը, ինչպես նաև «Էրեբունի» Ռադիոթերապիայի կենտրոնի բրախիթերապևտ Նատալյա Կորնիևսկայան։

Վորքշոփի միջազգային բանախոսներն էին ֆրանսիացի քիմիաթերապևտ պրոֆեսոր Ժան-Էմանուել Կյուրձը, Վիեննայի բժշկական համալսարանի գինեկոլոգ-ուռուցքաբան պրոֆ. Նիկոլ Կոնսին և Նավառայի համալսարանական կլինիկայի (Իսպանիա) գինեկոլոգ-ուռուցքաբան դոկտոր Լուիս Մ. Չիվան։
Միջոցառման օրակարգը ներառում էր նաև հազվադեպ հանդիպող նորագոյացությունների վերաբերյալ քննարկումներ, ինչն էլ նպաստեց փորձի փոխանակմանը՝ ինչպես հայ, այնպես էլ արտասահմանյան մասնագետների համար։